Главная

Еркін Әлімжанов ел чемпионатына жол тартады

Аватар пользователя Esimkhanovv
Журналист
Адилхан Есимханов
Қол күрес әлемінде өзіндік қолтаңбаға ие жерлесіміз Еркін Әлімжанов жақында Талдықорғанда өтетін Қазақстан Республикасы чемпионатына арнайы қонақ ретінде барады.

Әрине, қонақ ретінде ғана емес, Еркін Қайнулдинұлы өз сөзінде, "мүмкіндігімді байқау үшін қатысып көремін" деген еді. Десе де Әлем чемпионы ретінде шығысқазақстандық саңлақтың алға қойған межесі асқақ. Оның үстіне 2018 жылы Түркияның Анталья қаласында өткен Әлем чемпионатында топ жарған сақа спортшы ережеге сай, келесі әлем біріншілігіне, одан бөлек, Азия чемпионатына автоматты түрде жолдама иеленгенін айта кетейік.

 – Ел чемпионатының біршама тартысты өтетіні сөзсіз. Алайда менің қатыспауым мүмкін. Егер қажет деп білсем, өзім үшін бақ сынаймын. Негізі елішілік жарыстарда жоғары салмақтағы алматылық Әділбек Омаровпен күш сынасып көрген жоқ. Айтарлықтай тәжірибелі спортшы, – дейді алты дүркін Әлем чемпионы.

Еркін Қайнулдинұлы бұдан былай 80 келі дәрежесінде өнер көрсететінін айтты. Себебі, 75 келіден кейін бірден 90 келіге көшу спортшылар үшін едәуір тиімсіз еді. Осы орайда, еліміздің тарапынан жасалған өтініш негізінде, әлемдік қол күрес Федерациясы 70 келіден соң 80, 90, 100 және 100 келіден жоғары деп салмақтарды орналастырған екен. Сондай-ақ шығысқазақстандық қол күрес шебері әдеттегідей ұдайы тыңғылықты дайындықта екенін жеткізді. Айта кетейік, Талдықорғандағы ел чемпионаты наурыздың 24-і басталады.

 

Фото спортшы тарапынан ұсынылды

Дата и время публикации: 
20.03.19
Новости
Өскеменде шайбалы хоккейден Қазақстан Республикасы чемпионатында топ жарған шығысқазақстандық спортшыларды салтанатты түрде марапаттап, сый-сыяпат көрсетті.
25.04.2019
2 апреля был особенным днём. Эта дата ознаменовалась празднованием 70-летнего юбилея известного энтузиаста волейбола Жумаша Урунтаева. И 20 апреля в честь своего юбилея решил провести турнир.
25.04.2019
Кеше Өскемендегі «Дзюдо» орталығында 23 жасқа дейінгі әйелдер мен ерлер арасында Шығыс Қазақстан облысының чемпионаты өтті. Үздіктері мамыр айының басында өтетін ел чемпионатында бақ сынайды.
25.04.2019
Леонид Метальников выиграл главный трофей ВХЛ, оформив вместе с «Сарыаркой» рекорд лиги.
25.04.2019
Жерлестеріміздің сәуір айындағы байрақты бәсекелерде бәсі жоғары болып тұр. Дзюдошылар мен балуандардан бөлек, каратэшілер де қоржындарын кезекті жүлделермен толықтырды.
24.04.2019
Қытайдың Сиянь қаласында өтіп жатқан күрес түрлерінен Азия чемпионатында ел құрамасына екінші алтынды шығысқазақстандық балуан Данияр Қайсанов әперді.
24.04.2019