Главная

Бас бапкер ресми түрде таныстырылды

Аватар пользователя Esimkhanovv
Журналист
Адилхан Есимханов
Жуырда бокстан ересектер арасындағы Ұлттық құраманың бас бапкері Мырзағали Айтжанов қызметінен босатылған болатын. Мұндай шешімді еліміздің бокс федерациясының ұсынысымен еліміздің дене шынықтыру және спорт комитеті мен мәдениет және спорт министрлігі қабылдаған-ды.

Естеріңізге сала кетейік, Мырзағали Құланұлы бас бапкер қызметіне 2009 жылы тағайындалды. Содан бері бірқатар Олимпиада мен Әлем чемпиоандарын даярлап шығарды. Құрлықтық жарыстарды айтпасақ та болатын шығар. Себебі, Азия чемпионаттарында Өзбекстан құрамасымен үнемі көшбасында жүрді. Оның тұсында 2012 жылы Лондон Олимпиадасында Серік Сапиев, Рио Олимпиадасында Данияр Елеусінов топ жарды. Екеуі де 69 келі салмақта. 2017 жылы Германияның Гамбург шаһарында өткен Әлем чемпионатында 56 келі салмақта Қайрат Ералиев тұғырдың ең биігіне көтерілді. Бұл жалғыз алтын еді. Ал мұның алдында 2014 жылы Алматыда өткен Әлем біріншілігінде боксшыларымыз төрт алтын жүлде иеленіп, айды аспанға шығарған еді. Осы уақытқа дейін Мырзағали Айтжанов әлемнің үздік деген құрамаларымен иық тірестіре алатын тұрақты құрама жасақтай алғанын айта кеткен абзал. Енді бұл міндетті Ғалымбек Кенжебаев атқармақ. Осы күнге дейін ол жастар құрамасының тізгінін алып жүрді. Бапкерлік құраммен жұмыс жасау бойынша еліміздің бокс Федерациясының вице-президенті Юрий Цхайдың айтуынша, соңғы уақытта ұлттық құрама мүшелерінің бокс мәнерінде ешқандай жаңашылдық, серпіліс байқалмаған екен. Дайындық барысында да ескі үрдіс. Сол себепті, осындай шешімнің қабылданғаны жөн саналыпты. Ғалымбек Қалиұлының жұмыс тәжірибесі 35 жыл. 1998 жылдан 2005 жылға дейін Афины Олимпиадасының күміс жүлдегері Геннадий Головкиннің жеке бапкері болды. Білікті бапкер тұсында жастарымыз екі мәрте Жасөспірімдер Олимпиадасында топ жарды. 2006, 2007, 2013, 2014 және 2016 жылдары Азия чемпионатында жалпыкомандалық есепте бес рет бірінші орыннан көрінді. Ал бүгін Қарағандыда өтіп жатқан Ғалым Жарылғаповты еске алу турнирінде Ғалымбек Қалиұлы ұлттық құраманың бас бапкері ретінде ресми түрде таныстырылды. Өз кезегінде ардагерлер, білікті жаттықтырушылар бас бапкердің жұмысына тек сәттілік тіледі.

 

Материал еліміздің бокс федерациясы сайты дерегімен әзірленді

Әділхан Есімханов

Дата и время публикации: 
20.12.18
Новости
Для Ольги Сафроновой серия международных стартов продолжается. Вслед за триумфальным Чемпионатом Азии в Дохе и Чемпионатом мира по эстафетному бегу в Йокогаме сильнейшая казахстанская спринтерша выступит на международном турнире в Осаке.
18.05.2019
Бүгін Жарма ауданында грек-рим күресінен даңқты балуан Дәулет Тұрлыхановтың жүлдесіне ұйымдастырылған ашық облыстық турнирдің алғашқы күні өтті.
17.05.2019
В Алматы завершился Чемпионат Казахстана по лёгкой атлетике среди юниоров.
17.05.2019
В заключительный соревновательный день были разыграны шесть комплектов наград, половина золотых медалей которых досталась сборной Карагандинской области.
17.05.2019
Олимпиада ойындарының күміс және қола жүлдегері, даңқты балуан Дәулет Тұрлыхановтың жүлдесіне грек-рим күресінен ашық облыстық турнир Жарма ауданының Қалбатау ауылында жалғасын табуда.
17.05.2019
Төл спортымыз – қазақ күресінен Әлемнің төрт дүркін чемпионы Айбек Нұғымаров бүгін облыс орталығында өткен VII облыстық IT-фестивальіне арнайы қонақ ретінде қатысты.
16.05.2019