Главная

Шығысқазақстандықтар Шымкентте атой салды

Аватар пользователя Esimkhanovv
Журналист
Адилхан Есимханов
Бүгін күрес түрлерінен Қазақстан Республикасының V жазғы спартакиадасы өз мәресіне жетті. Шымкент шаһарындағы додада жерлестеріміз жүлдесіз қалмады.

Сайыс нүктесін еркін күрес шеберлері қойды. Бүгін 65, 70, 86, 92 және 125 келі салмақтағы балуандар жеңімпаздар мен жүлдегерлерді анықтады. Соның ішінде, бас бапкер Асқар Мұқашев бастап барған шығысқазақстандық спортшылар арасында Азамат Дәулетбеков (86 келі) пен аса ауыр салмақтағы Олег Болтин (125 келі) ақтық сында белдескен болатын. Бүгін дәл кешегі жарыс күнінің желісі қайталанғандай. Жүлделер жағынан. Алайда бүгін 92 келіде Әбубакар Торғаев қола жүлде иеленіп, үшінші медальді әперген еді жерлестерімізге. Ал кеше 61 келіде басты фавориттің бірі саналған Расул Қалиев ел чемпионы атануға бір қадам қалғанда сүрінді. Себебі, жарақат алған еді. Осының салдарынан белдесуді жалғастыра алмай, екінші орынға місе тұтты. Алтын медаль шымкенттік Бауыржан Төребектің еншісінде кетті. Ал Азия ойындарының күміс жүлдегері Данияр Қайсанов мықтылығын тағы бір дәлелдеді. Ақтық сында оған Әлем чемпионатының күміс жүлдегері, астаналық Нұрлан Бекжанов қарсы тұрды. Конфедерация кубогінде Бекжановқа айқын ұтылған еді Данияр. Осы жолы соның есесін қайтарғандай болды. Оңайға түспеді. Бұған таблодағы есеп те дәлел. Өйткені, есеп 8:7 болып, шығысқазақстандық балуанның еншісіне жазылған-ды.
Ал бүгін 86 келіде Азамат Дәулетбеков алтынға қол созып көрді. Десе де алматылық Әділет Дауланбаев бұған жол бермеді. Ежелден сыралғы қарсыласы атанып келген Алматы қаласының өкілі о бастан сенімді қимылдап, ақыр соңында белдесуді мерзімінен бұрын аяқтады. Азамат алтын медаль иелене алмады. Қоржынға тағы бір күміс түсті. Келесі болып, жоғарыда аталған 92 келідегі Әбубакар Торғаев қола жүлде үшін кілемге беттеді. Қарсыласы маңғыстаулық балуан. Жерлесіміз кездесуді соңына дейін бақылауда ұстап, ұпай айырмашылығын сақтап қалды. Сөйтіп, жарыстың жүлделі үштігін түйіндеді. Ал алыптар теке-тіресінде Олег Болтин қарсылас шақ келтірмеді. Өткен жылғы Конфедерация кубогінің жеңімпазы Ақтөбе облысының спортшысы Юсуп Батырмырзаевқа еш мүмкіндік қалдырмады. Осыған дейін Жапониядағы оқу-жаттығу жиындарына қатысқан жерлесіміз, белдесуді көпке созбауды жөн көрді. Есеп 12:2, Болтин еліміздің V жазғы спартакиадасында топ жарды.
Осылайша, шығысқазақстандықтар еркін күрес сынында екі алтын, екі күміс және бір қола медаль иеленіп, жалпыкомандалық есепте де біршама жақсы өнер көрсетті.

ШҚО еркін күрес шеберлері мына спортшылармен өнер көрсетті:

1. Ғабит Төлепбай (57 келі)
2. Данияр Гульманов (61 келі)
3. Расул Қалиев (61 келі)
4. Самат Қалтаев (65 келі)
5. Мирас Зарлықанов (65 келі)
6. Мұхтар Сейтов (65 келі)
7. Асхат Слямханов (70 келі)
8. Мұхаммед Аблаев (70 келі)
9. Данияр Қайсанов (74 келі)
10. Вадим Литвинов (79 келі)
11. Азамат Дәулетбеков (86 келі)
12. Никита Федоров (86 келі)
13. Әбубакар Торғаев (92 келі)
14. Алмас Жүніс (92 келі)
15. Данияр Базылжанов (97 келі)
16. Олег Болтин (125 келі)

Фото prosports.kz сайтынан алынды
Әділхан Есімханов

Дата и время публикации: 
10.02.19
Новости
Сегодня «Сарыарка» в домашних стенах нанесла третье поражение «Рубину» в финальной серии плей-офф. Осталась всего одна победа до титула.
21.04.2019
Первые победы на Чемпионате Азии по лёгкой атлетике одержала сборная Казахстана. Увы, но и без потерь, конечно, не обошлось.
21.04.2019
В столице Катара сегодня возьмёт старт Чемпионат Азии по лёгкой атлетике. За какими соревнованиями казахстанцам стоит следить особенно пристально?
21.04.2019
Өскеменде есту қабілеті төмен және тірек-қимыл жүйесі зақымдалған жандар арасында үстел теннисінен облыс чемпионаты өтті. Мұнда финалдық ойындар айтарлықтай тартысты толы болды.
20.04.2019
Шығысқазақстандық дзюдошы Ерлан Серікжанов бүгін Біріккен Араб Әмірлігінде өтіп жатқан құрлықтық чемпионатта ел қоржынына алғашқы алтынды салды.
20.04.2019
Уже завтра в столице Катара Дохе стартует один из самых главных стартов сезона отечественной лёгкой атлетики – Чемпионат Азии. Чего ждать нам от наших спортсменов на этом старте? Ответить на этот вопрос постарался корреспондент VKsport.kz.
20.04.2019