Главная

Денис Ұланов: «Жарақаттар айтарлықтай кедергі болды»

Аватар пользователя Esimkhanovv
Журналист
Адилхан Есимханов
Ауыр атлетикадан Ашхабадта өтіп жатқан Әлем Чемпионатында қалың жанкүйер шығысқазақстандық спортшыдан жүлде күткендіктері анық. Алайда бұл жолы үздік үштікке ілінудің сәті түспеді.

Рио Олимпиадасында жерлесіміз Денис Уланов 85 келіге дейінгі салмақта жарыс жолына шыққандығы баршасына мәлім. Ол жерде қоссайыс бойынша 390 кг (175+215) еңсеріп, төртінші орынға тұрақтады. Кейіннен румындық спортшының қанынан допинг табылып, қола жүлде жерлесімізге берілді. Сол допинг дауының себебінен, қазақстандық зілтеміршілер бір жылға халықаралық жарыстардан шеттетілген-ді. Ал оның аяқталу мерзімі қазанның 19 күні болатын. Сөйтіп, ел құрамасы бірнеше оқу-жаттығу жиынын жүргізіп, Ашхабадқа жол тартты. Толық құраммен барды. Десе де, ауыр атлеттер ұшаққа отырарда Илья Ильиннің жарақатына байланысты сайысқа қатыспайтыны мәлім болды. Нәтижесінде 109 келіге дейінгі салмақта өнер көрсететін қызылордалық Александр Зайчиков, 102 келі дәрежесіне түсті. Ал шығысқазақстандық зілтемірші Денис Уланов 89 келіге әзірленіп барды. Алайда жарыс барысында Денистің жарақаты сыр бере бастағандай болды. Себебі, көрсеткен нәтижесі тым төмен. Жалпы қорытындысында, ол Әлем Чемпионатын 14-ші орынмен аяқтады. Осы орайда сайт тілшісі спортшымен байланысқа шығып, сәтсіз өнер көрсетуінің себебін біліп көрген еді.

 – Негізі Талдықорғанда өткен ел Чемпионаты алдында бабымда едім. Тамыз айында жаттығу кезінде жүріп, күтпеген жерден иығым ауырсынды. Ал Чемпионаттан кейін дәрігерлер көмегімен емдей бастадық. Осы кезде тағы бір жарақатым пайда болды. Соның салдарынан қатты тәуекелге бармадым. Жарақаттар айтарлықтай кедергісін келтірді. Одан құлан-таза айықсам, жақсы нәтижелер көрсетуге болады, – деді Рио Олимпиадасының қола жүлдегері.

Сондай-ақ спортшының айтуынша, мамыр айында өткен ел Кубогінде ол қоссайыс бойынша 375 кг (170+205) еңсеріп, топ жарған. Болмағанда сол көрсеткішін қайталағанда, бірінші орын иеленетінін айтты.

 

Фото спортшының жеке мұрағатынан алынды

Әділхан Есімханов

Дата и время публикации: 
09.11.18
Новости
Сегодня «Алтай Торпедо» провело повторный матч с «Арланом» и буквально вырвало победу в овертайме!
10.12.2018
Самой результативной волейболисткой команды, вошедшей в ТОП-5 клубного Чемпионата мира, стала Наталья Маммадова.
10.12.2018
За всю историю выступлений «Торпедо» в ВХЛ только двое хоккеистов были более безжалостными по отношению к соперникам нашей команды: Евгений Рымарев и Александр Шин.
10.12.2018
Тәуелсіздік күніне орай Жаңа Бұқтырма кентінде бокстан облыстық турнир өткен еді. Сол додада жоғары деңгейлі нәтиже көрсеткен жарыс қожайындары Елордада болатын республикалық сайыста бақ сынау мүмкіндігіне ие болды.
10.12.2018
Жаңа Бұқтырма кентінде бокстан Тәуелсіздік күніне арналған 2003-2004 ж.т. және одан кіші жасөспірімдер арасында облыстық турнир өтті.
10.12.2018
Сегодня «Торпедо» встретилось на выезде с пермским «Молотом-Прикамье», и, благодаря «спорной» шайбе, выиграло матч со счётом 3:2!
09.12.2018