Главная

Шығысқазақстандық зілтемірші жүлдеге сәл жетпеді

Аватар пользователя Esimkhanovv
Журналист
Адилхан Есимханов
Кеше Тайландта ауыр атлетикадан Олимпиада ойындары алдындағы іріктеу сайысы ретінде өткізілген халықаралық жарыс өз мәресіне жетті.

Яғни, бұл сында үздік нәтиже көрсеткендері Токиодағы аламанға жолдама иеленуге бір табан жақындайды. Чиангмай қаласындағы ауыр атлеттер сайысында ел құрамасы бес спортшымен өнер көрсетті. Бұл ретте, Ұлттық құраманың бас бапкері Юрий Мельников осыған дейін халықаралық сайыстарға шығып көрмеген спортшыларды апарған екен. Алайда бесеуінің ішінде 109 келіге дейінгі салмақта жасөспірімдер арасындағы Әлем чемпионатында топ жарған Ибрагим Берсанов бар еді. Ірі бәсекенің шетін көрген. Енді ол ересектер арасында жүлде үшін талас жүргізді. Бапкер сенімін ақтап, Талдықорған қаласының тумасы екінші орыннан көрінді. Қоссайыс бойынша 372 келіні (172+200) еңсерген екен. Зілтеміршілер арасында жалғыз жерлесіміз Лидия Ануфриева да жарыс жолына шықты. Осыған дейінгі ел чемпионаттарында жоғары нәтиже көрсетіп жүрген спортшының бұл халықаралық деңгейдегі алғашқы додасы болды. Нәтиже жаман емес. Алайда өзі сынға түскен 59 келі салмақта жүлдеге іліне алмады. Қоссайыс бойынша 174 (75+99) келіні көтеріп, В тобында төртінші орынға ие болды. Әрине, құрлық бойынша бұл салмақта бәсеке қызып тұр. Дегенмен, шығысқазақстандық спортшының қола медальға қол созым жерде қалғанының өзі жаман нәтиже емес. Одан бөлек, 81 келіге дейінгі салмақта Нұрлыбек Сәменов 333 келімен (153+180) тұғырдың ең биігінен көрінді. 102 келіге дейінгі салмақта бақ сынаған Әлихан Шайхидинов қырғызстандық атлетке ғана жол беріп, бәсекенің күміс медальін мойынға тақты. Қоссайыс бойынша ол 325 (145+180) келіні еңсерді. Сондай-ақ, 109 келіден жоғары салмақта Селимхан Әбубакар қола медальға қол созды. Селимхан екі жаттығу бойынша 370 (170+200) келі көтеріп, халықаралық жарыстың жүлдегері атанды. Сонымен, Тайландтағы чемпионаттан отандастарымызға бір алтын, екі күміс және бір қола медаль бұйырды.

 

Материал еліміздің new.wfrk.kz сайты дерегімен әзірленді

Фото сайт мұрағатынан

Әділхан Есімханов

 

Дата и время публикации: 
11.02.19
Новости
Жуырда Өскеменде ауыр атлетикадан 20 жасқа дейінгі жастар және қыздар арасында облыс чемпионаты өткен еді.
20.02.2019
Шығысқазақстандық бұрымдылар қарашаның 11-17 аралығында Арыс қаласында өткен Қазақстан Республикасының чемпионатында үздік нәтиже көрсетті.
20.02.2019
Главный тренер ВК "Алтай" Юрий Панченко получил новое назначение.
20.02.2019
Со 2 по 12 марта в Красноярске пройдёт 29-ая зимняя Универсиада. Из Усть-Каменогорска в состав сборной Казахстана по хоккею отправятся два хоккеиста.
20.02.2019
Со 2 по 6 февраля команда «Торпедо-2002» провела выездную серию в Северске и Новосибирске. Нашим ребятам удалось одержать победу в половине матчей.
20.02.2019
Сегодня в повторном матче наша команда МХЛ вновь обыграла гостей из Новокузнецка, правда, на этот раз с преимуществом лишь в одну шайбу.
19.02.2019