Главная

Сингапурден келіп сабақ алуда

Аватар пользователя Esimkhanovv
Журналист
Адилхан Есимханов
Бұл күндері Астанада жергілікті қол күрес шеберлерімен бірге шетелдік спортшы дайындық жүргізуде. Отандастарымыздың соңғы жылдары әлемдік додаларда атой салып жүргеніне таңдай қағып, соның сыры неде екенін білуге келіпті.

Есімі Джошуа Парк. Жасы 24-те. Сингапурде әскери қызметте екен. Өзінің айтуынша, Әлем чемпионаттарының бірінде ол жерлесіміз Әлижан Мұратовпен шеберлік байқасып көріпті. Айта кетейік, Әлижан Шығыс Қазақстан облысының Тарбағатай ауданының тумасы. Азия, Әлем чемпионаттарында жүлде алып, топ жарып жүрген өрен. Сол жарыста сингапурлық спортшының Әлижандай Әлем чемпионына қарсы тұру ықтималдығы төмен болды. Жеңілсе де, онысынан сабақ алып, қателікпен жұмыс жасап келіпті. Содан бері қазақстандық спортшылардың аяқ алысын үнемі қадағалап жүр.

Естеріңізде болса, қазір Астанада Әлижан Мұратов пен Еркін Әлімжанов сынды екі бірдей жерлесіміз тұрып жатыр. Қол күресінен әлемдік жарыстарда өзіндік орны бар саңлақтар. Әлеуметтік желі арқылы Джошуа шығысқазақстандық қол күрес шеберлеріне олармен бірге жаттығуға ықылас білдіріпті. Қанында қонақжайлылығы бар спортшыларымыз оны күтіп алып, ізін суытпай, бірлесе дайындықты бастап кетті. Сингапурлық мейман өз елінде аталмыш спорттың үлкен қарқын ала қоймағанын жеткізді. Мемлекет тарапынан қолдау жоқ екен. Армрестлингке ден қойғандар көбінде тренажерлік залдарда жаттығып, үстелде өзара күш сынасуға аса қатты мән бермейді екен. Еркін Әлімжановтың айтуынша, Джошуаның жүзінен осындай жаттығу ырғағына айтарлықтай таңданыс байқалған. Алдымен жеңілдеу салмақтан бастап, біртіндеп темірге ауырлау дискілер қосыла түсті. Бұл жерде жаттығу темірін көтеріп қана қоймай, оны түсірген кезде де асықпай әрекет ету керек. Сонда әсері жоғары болады. Одан ары белтемірге тартылу, үстелдегі күштік жаттығулар рет-ретімен жалғасын тауып жатты. Қолдың көмегімен ғана арқанға көтерілу де оңай іс емес. Жаттығу соңына қарай, мейман шаршай түскен...

 – Бұл спортқа деген ынтасы жоғары екен. Өз елінде біраз жетістікке жетіпті. Алайда біз жақта мұндай жетістігі бар спортшыларға орта деңгейден жоғары деген баға беруге болады, – деді Еркін Қайнулдинұлы.

Қазір Джошуа әлі Астанада. Ол желтоқсанның 15-інен бері Елордада екен. Өзінен мықтылармен жаттығу жасау үшін, еңбек демалысын да осыған орай алыпты. Еркін Қайнулдинұлының айтуынша, Сингапурден келген қонақ желтоқсанның 23-і күні елге қайтатын көрінеді.

 

Фото спортшы тарапынан ұсынылды

Әділхан Есімханов

Дата и время публикации: 
21.12.18
Новости
Прыжки в высоту – наше всё!
26.02.2020
Өткен жылы әлемдік аламанда күміс медаль иеленген Нұрғожа Қайпанов Қажымұқан Мұңайтпасов атындағы Күрес түрлерінен балалар және жасөспірімдер спорт мектебінде өткен 23 жасқа дейінгі жастар арасындағы ел чемпионаты туралы ой бөлісті.
26.02.2020
Представительница «Алтай Атлетикс» творит что-то невероятное в столице Белоруссии.
26.02.2020
В Минске завершился первый соревновательный день международной матчевой встречи. Легкоатлеты сборной Казахстана в большинстве своём выступили неудачно.
26.02.2020
Парагвай, Россия, Казахстан, США, Германия, Франция, Великобритания, Кипр – вот далеко не полный перечень стран, представители которых приняли участие в голосовании на нашем портале за звание лучшей волейболистки Высшей лиги ЛЧБ прошлого сезона. Причём все они отдали свои голоса за одного весьма удивительного человека – Ольгу Теренину, сделав её обладателем первой индивидуальной награды в Лиге Чемпионов Бизнеса. Наш корреспондент побеседовал с лучшей из девушек в нашем любительском волейболе, чтобы узнать её не только как спортсменку, но и как человека.
25.02.2020
Жерлесіміз Досжан Әсетов Өскеменде өткен еркін күрестен 23 жасқа дейінгі жастар арасындағы ел чемпионатында жарқын белдесулер көрсетіп, біршама күрес мамандарының есінде қалды.
25.02.2020