Главная

Ұлттық ұландықтар Регби 7 сайысынан бақ сынасты

Аватар пользователя Esimkhanovv
Журналист
Адилхан Есимханов
Өскемендегі «Алтай» стадионында Ұлттық ұланның «Шығыс» өңірлік қолбасшылығының қолбасшысы кубогі үшін «Регби 7» бойынша жарыс өтті. Аталмыш сынға Өскемен, Семей, Курчатов және Павлодар қалаларының әскери бөлімдері командалары қатысқан-ды.

  – Бұл спорттың командалық екендігін баршаңыз жақсы білесіздер. Регби ептілік пен күшті, одан бөлек, жылдамдықты арттыруға үлкен көмегін береді. Түрлі келеңсіз жайттардың шешімін тауып, тәртіпсіздіктің алдын алу үшін сарбаздарға спорттың бұл түрімен айналысқан аса маңызды, – дейді Ұлттық ұланның «Шығыс» өңірлік қолбасшлығы спорт және дене дайындығы қызметінің басшысы Бауыржан Дәрібаев.

Бұл дода «Шығыс» өңірлік қолбасшылығы командасының деңгейін өсіріп, шеберліктерін шыңдау мақсатында ұйымдастырылған-ды. Спартакиадаға спорттың бұл түрі еліміздегі Ұлттық гвардия генерал-лейтенанты Руслан Жақсылықовтың бұйрығымен еніп отырғандығын тілге тиек еткен артық болмас.

Шара барысында бәсекелестік қыза түсіп, сайыстың жоғары деңгейде өтуіне әр сарбаз өзінше үлес қосты. Қарсыластарына қарағанда дайындығы жоғары болған Семей қаласының 5511 әскери бөлімі үздік шықты. Екінші орын Павлодардан келген 5512 әскери бөлімінің командасына бұйырса, үздік үштікті өскемендік 6699 әскери бөлімінің сарбаздары түйіндеді.

Облыс бойынша Регби федерациясының президенті Талғат Омаров жүлдегерлерге салтанатты түрде мадақтама қағаздары мен медальдар, ал жеңімпаз командаға кубок табыс етті.

   Тартысқа толы болған жарыс қорытындысында «Шығыс» өңірлік қолбасшылығының командасы тамыздың 14-19 аралығында Талдықорған қаласында «Регби 7» бойынша өтетін ел чемпионатының 3-ші кезеңінде аймақ намысын қорғайды.

Дата и время публикации: 
10.08.19
Новости
Спортсмен легкоатлетического клуба "Алтай Атлетикс" Михаил Литвин в последнее время вообще не приезжает с соревнований без медалей. Очередную награду принес сборной Казахстана этот атлет на престижном международном турнире –Мемориале Веслава Маняка (Польша).
16.08.2019
Өскеменде өз тарихында осымен 50-ші мәрте өткізілген «Қазақстан оқушысы – 2019» республикалық сайысы аяқталды. Бүгін барлық кезеңнің үздіктері белгілі болып, жекелей және командалық есепте жоғары нәтиже көрсеткендер анықталды.
15.08.2019
Данияр Қайсанов, Расул Қалиев, Олег Болтин… Осы аталған үш оғлан елордада өтетін күрес түрлерінен Әлем чемпионатында Ұлттық құрама сапында өнер көрсетеді. Айтулы аламанда бақ сынайтын спортшылар тізімі жуырда ғана белгілі болған-ды.
15.08.2019
Санаулы күндерден соң Күншығыс елінің астанасы Токиода өтетін дзюдодан ерлер мен әйелдер арасындағы Әлем чемпионатында шығысқазақстандық татами шеберіне артылар жүк ауыр болмақ.
14.08.2019
Жапонияның Токио қаласында өтетін дзюдодан Әлем чемпионатында әйелдер Ұлттық құрамасы сапында жерлестеріміз өнер көрсетпейді.
13.08.2019
Эстония жерінде өтіп жатқан еркін күрестен жастар арасындағы Әлем чемпионатында шығысқазақстандық Шыңғыс Мұхаметқалиев жартылай финалға жолдама ала алмады.
13.08.2019