Главная

Айтулы турнирдің ауқымы артып келеді

Аватар пользователя Esimkhanovv
Журналист
Адилхан Есимханов
Ұлан ауданының Қасым Қайсенов кентінде жерлесіміз, Қазақстанның Халық қаһарманы, көрнекті жазушы, әйгілі партизан Қасым Қайсеновты еске алуға арналған бокстан Халықаралық турнир аяқталды.

 Дәстүрлі турнир биыл алғаш рет халықаралық деңгейде ұйымдастырылды. Айта кетейік, жарыс 2004-2005 жылдары туған жасөспірімдер арасында өрбіді. Шаршы алаң бәсекесінде жергілікті спортшылардан бөлек, Әзірбайжан, Қырғызстан, Монғолия, Өзбекстан және еліміздің әр түкпірінен келген 140-тан астам боксшы өз мүмкіндіктерін байқады.

 Жарыстың салтанатты ашылуына аудан әкімі Нұрымбет Сақтағанов, ШҚО Дене шынықтыру және спорт басқармасының басшысы Денис Рыпаков, ҚР еңбек сіңірген жаттықтырушысы, жоғарғы ұлттық дәрежедегі төреші әрі Қасым Қайсеновтың туысы Бағлан Раимханов қатысты.

 – Осынау турнирдің мақсаты – жас боксшылардың әзірлігін байқап, спорттық шеберліктерін арттыру ғана емес, сонымен қатар спортшылар арасындағы бауырластықты нығайту болып саналады. Болашақ чемпиондар осындай турнирлерде шыңдалып, үлкен спортқа сенімді қадам жасайды, – деді Нұрымбет Аманұлы кіріспе сөзінде.

 Сайысқа қатысушылардың ешбірі де жеңіске жету жолында аянып қалмады. Әзірбайжан, Қырғызстан елдерінің боксшылары, одан бөлек шаршы алаң қожайындары да жоғары дайындықпен келгендіктерін байқатып, жүлделер легін молынан иеленді.

 Ал жарыс қорытындысында иеленген медальдар жиынтығына қарай командалық есепте ШҚО спортшылары көш бастады. Екінші орын қырғыз боксшыларына, үшінші орын Әзірбайжан елінің өкілдеріне бұйырды. Осы ретте шаршы алаң қожайындарынан Аят Ринат (Айыртау ауылы, жаттықтырушысы Кирьянов Т.Е.), Манасов Талант (Қ. Қайсенов кенті, жаттықтырушы Мусин Б.Ж.) 3 орын иеленгенін айта кетейік.

 Өз кезегінде тартысқа толы өткен жарыстың жабылу салтанатына бірқатар құрметті қонақтар қатысты. Атап айтсақ, ҚР еңбек сіңірген спорт шебері, Қазақстан Республикасының еңбек сіңірген жаттықтырушысы, Олимпиада чемпионы, Әлем біріншілігінің күміс жүлдегері - Ермахан Ибраимов, ҚР еңбек сіңірген спорт шебері, Әлем чемпионы - Ердос Жаңабергенов, Халықаралық дәрежедегі спорт шебері, ҚР Жасөспірімдер арасындағы бас бапкердің көмекшісі - Талғат Әліпбеков және басқалары.

 Халықаралық турнир аясында аудандық Мәдениет үйінде спорт саласының әлемге әйгілі майталмандарымен кездесу де өтті. Шара барысында жиналған жұрт әлемдік додалардың жеңімпаздарына өздерін қызықтырған сауалдарын қойып жатты. Қазақ боксының үздіктері өздерінің жетістікке жету жолындағы бастан кешкен қызықты сәттері мен жастарды спортқа баулудың маңыздылығы туралы айтты. Қызығы сол, кездесу соңына қарай құрметті қонақтар 2022 жылы Ұлан спорт мектебінің мерей тойына әзірленген «Ғасыр қолтаңбасы» кітабына естелік қолтаңбаларын қойды. Сондай-ақ қатысушылар мен қонақтар Абай Құнанбайұлының 175 жылдығына арналған Абай өлеңдерін оқу челлендж-эстафетасын еліміздің барлық спорт мектептеріне жолдады.

 Тағы бір айта кетерлігі, жарыс жеңімпаздары мен жүлдегерлері Құрметті грамотасымен, медальдармен, ақшалы сыйлықтармен, чемпион спортшылар статуэткалар, олардың жаттықтырушылары естелік медальдармен марапатталды. Құрметті қонақтарға да естелік медальдар табысталды.

 

 

Дата и время публикации: 
10.02.20
Новости
В «Торпедо» не стали делать секрета из того, как именно изменились планы предсезонной подготовки старейшей команды страны в связи с ремонтными работами во Дворце Спорта им. Б. Александрова.
07.07.2020
Сегодня исполнился ровно год с тех пор, как в Алматы отгремел, не побоимся этого слова, лучший в истории международный турнир по лёгкой атлетике памяти Гусмана Косанова. Почему именно 29-е в истории проведение этого турнира стало самым успешным в истории? Своё мнение на эту тему изложил один из наших авторов.
07.07.2020
«СЭ» продолжает цикл материалов — «звезды, которые ушли слишком рано». Мы рассказываем о выдающихся хоккеистах, которые многого добились по ходу игровой карьеры, но чья жизнь, к сожалению, продлилась не так долго. В очередном материале — история олимпийского чемпиона, нападающего Бориса Александрова.
06.07.2020
Доверилась суперфотографу Наталье Чечулиной и не прогадала.
05.07.2020
«Алтай Торпедо» подало заявку на участие в Континентальном Кубке-2020.
05.07.2020
Назначен новый старший тренер ВКО СДЮСШОР по ВВС по плаванию.
05.07.2020