Главная

Құлсарыдан құр қол қайтпады

Аватар пользователя Esimkhanovv
Журналист
Адилхан Есимханов
Атырау облысының Құлсары қаласында өткен еркін күрестен 2002-2004 жылдары туған ауыл спортшылары арасындағы ел чемпионаты жерлестеріміз үшін сәтті аяқталды.

Еліміздің Батысында өткен боз кілем бәсекесінде шығысқазақстандық палуандар бір алтын, бес күміс және бір қола жүлде иеленді. Білікті бапкер Мейірбек Байжанов бастап барған спортшылар төрт күнге жалғасқан жарыста асқан жігер мінез танытып, әр салмақта жүлдегер атануға тырысты. Соның ішінде, қоржынға алғашқы жүлдені 45 келідегі Мадияр Нұрлыбеков салды. Алдымен павлодарлық Жексенбай Тұрарханды, жартылай финалда Ақтөбе облысының өкілі Асқар Құлбайды жолынан ығыстырды. Алайда ақтық сында атыраулық Нұржан Мұхтаровқа есе жіберіп, күміс медальға қол жеткізді. Одан кейін 48, 51 келі салмақтарда жарыс жолына шыққан Нұржан Қасымбек пен Дастан Қалқаққа тұғырға көтерілудің сәті түспеді. Десе де 55 келіде өнер көрсеткен Болатбек Әділбеков іріктеу кезеңінде қызылордалық Юсып Қуанышбековты айқын ұтты. Ширек финалда тағы бір қызылордалық палуан Нұржігіт Болатты 3:1 есебімен тізе бүктіріп, жартылай финалға жолдама алды. Бұл жерде кілем иесі Жасұлан Рахымжановқа еш мүмкіндік қалдырмады. Алайда Болатбекке бұл жолы алтын алудың сәті түспеді. Финалда тағы бір атыраулық палуан Талап Жолдасовтан айласын асыра алмады. Одан ары  60 келіде сынға түскен Байжан Тоқташ іріктеу сынынан аса алмай жарысты 10-шы орынмен аяқтаса, 65 келіде өз мүмкіндігін байқаған Жеңіс Қоныбековке топ жарудың сәті түсті. Асығы алшысынан түскен шығысқазақстандық палуан барлығы үш белдесу өткізді. Қызығы сол, алғашқы айналымда-ақ жерлесі Ануар Ислямовпен шеберлік байқасты.Тартысты өткен белдесуде Жеңістің бабы келісіп, 16:6 есебімен кездесу тағдырын өз пайдасына шешті. Одан ары Атырау және Павлодар облыстарының үздіктерін жарыс жолынан шығарып, ел чемпионы атанды. Бұдан ары 71 келіде тәжірибелі Ілияс Ерболатов пен 80 келі салмақтағы Әділ Жақсыбеков екінші орыннан көрінсе, 110 келіде боз кілемге беттеген Нарұл Абитханов пен Бахтияр Закарьянов екінші және үшінші орындарға тұрақтады.

Осылайша ел чемпионатында жүлдені молынан еншілеген жерлестеріміз жалпыкомандалық есепте Атырау және Алматы облыстарын алға жіберіп, үздік үштікті қорытындылады.

 Фото жаттықтырушылар тарапынан ұсынылды

Дата и время публикации: 
11.08.19
Новости
В Усть-Каменогорске стартовал крупный республиканский турнир II «Алтай Жулдызы» среди ребят 2004 г. р. и младше.
12.11.2019
Для Олимпийской Чемпионки в тройном прыжке исключение её вида из программы самого крупного коммерческого старта на планете стало большим сюрпризом.
11.11.2019
Третий соревновательный день Высшего дивизиона Лиги Чемпионов Бизнеса показал, что в лиге нет ни одной команды, которая бы уже сдалась или же что-то себе гарантировала. А если бы букмекеры принимали ставки на матчи Лиги, то это принесло бы им немалый доход, потому что неожиданностей здесь было более чем предостаточно!
11.11.2019
Кеше ұзын-ырғасы 220 жеткіншек Ұлан ауданының Мамай батыр ауылында еркін күрестен Өмірбек Мұзапарұлын еске алуға арналған ашық облыстық турнирде бас қосты. Аталмыш сында жүлделі орындар 11 салмақ дәрежесінде сарапқа салынған еді.
10.11.2019
Победителями международного теннисного турнира ITF Junior G3 Ust-Kamenogorsk стали главные его фавориты.
09.11.2019
Ковать будущие победы женской волейбольной команде «Алтай» будет новый-старый главный тренер клуба.
07.11.2019