Главная

Олег Болтин: «Өз елімізде өткен ірі бәсекелерде топ жаруды армандап едім»

Аватар пользователя Esimkhanovv
Журналист
Адилхан Есимханов
Жуырда Алматыда өткен күрес түрлерінен Азия чемпионатында риддерлік Олег Болтин барлық қарсыласын жолынан ығыстырып, алтын медальға ие болып, Шығыс жұртына зор қуаныш сыйлаған-тұғын. Үш белдесудің үшеуінде де ұпайдан шашау шығармаған палуан осы жеңістің спорт мәнсабында алар орны ерекше екендігін жеткізді.

Ел құрамасының жалпыкомандалық есепте үшінші орын иеленуіне жерлесіміздің қосқан үлесі сүбелі. Болтиннің әр қимылынан жаттығуы тыңғылықты, қадамы сенімді екендігін аңғару қиын болмады. Жалпы, алыптар бәсекесі қашан да тосынжайтқа толы болатыны белгілі. Кейде тік жүріп белдесу кезінде де түрлі әдістер жасап, салмағы бір центнерден асатын спортшылар бозкілемнің шаңын аспанға шығарғандай болады. Талай жылдан бері 125 келіге дейінгі салмақта облыс, ел намысын қорғап жүрген Олег былтыр Алматыда өткен ел чемпионатында топ жарып, маңызды жарыстарда медаль ала алатынын дәлелдеген болатын.   Лицензиялық чемпионатқа Юсуп Батырмырзаев қатысса, Болтинді құрлықтық бәсекеде өнер көрсететіні белгілі еді. Қызығы сол, қазақстандық палуандардың бесеуі финалға аптықпай шыққандарымен, қола медаль үшін бозкілемге беттегендер жүлдеге қолсозым жер қалғанда сүрінді. Ғалымжан Өсербаев (79 келі) та,  Эльхан Асадов (92 келі) та кіші финалда қарсыластарына жол берді.
Еркін күрестің екінші күні алдымен Адлан Асқаров (61 келі) финалға шығып, алтын медаль сарапқа салынған кездесуде өзбекстандық Жахонгирмирза Туробовқа 14:9 есебімен жол берді. Амал нешік, Балуан Шолақ атындағы спорт сарайында тұғырдың ең биігінен көріне алмады. Дегенмен алда әлі 74 келіде солтүстікқазақстандық Нұрғожа Қайпановтың чемпион атануға мүмкіндігі бар-тын. Мүлт кетпеді. Финалда ирандық Мостафа Мохаббали Хосейнханиды 6:2 есебімен қапы қалдырды. Күні бұрын 70 келіде үздік шыққан Сырбаз Талғаттың жеңісті жолын жалғастырған Нұрғожа 2019 жылы Қытайда өткен құрлықтық біріншілікте 70 келіде, араға екі жыл салып 74 келіге дейінгі салмақта топ жарды! Ендігі кезек Олег Болтинде.
Шыны керек, жерлесіміз сайыстың соңғы күні тамаша белдесулер көрсетіп, чемпионаттың нүктесін әдемі қойды! Іріктеу белдесуінде тәжірибесі толысқан моңғол спортшысы Худербулга Доржхандтан 3:2 есебімен басым түсті. Ширек финалда үндістандық Сумит Сумитті 7:1 есебімен айқын ұтса, жартылай финалда Өзбекстанның үздігі Амиржон Нутфуллаевты 3:0 есебімен сан соқтырды. Ал шешуші сында Қырғызстанның намысын арқалаған Айиал Лазаревпен белдесіп, соңғы секундтарда жеңісті жұлып әкетті. Жұлып әкеткенде де таза ұтқан еді, тек бозкілемдегі төреші «әйтеуір ұтып тұр, уақыттың аяқталуын күтейін» деген болар, ысқыруға асықпады. Маңыздысы ол емес. Риддерлік палуан қоржынын құрлықтық чемпионаттың алтынымен толықтырды!
– Жастар арасындағы Азия чемпионаты осыдан 10 жыл бұрын болған еді. Ол кезде үшінші орыннан көріндім. Қаншама жыл жаттығу жасап жүріп, өз елімізде өткен ірі бәсекелерде топ жаруды армандап едім. Мақсатым орындалды. Бапкерлер берген нұсқаулықты айна-қатесіз орындап, әр белдесуімді жеңіспен аяқтадым. Дегенмен мұнымен тоқталып қалуға болмайды, – деді Азия чемпионы.
Бір айта кетерлігі, жерлесіміз алтын медаль иелену жолында айқын басымдық танытқанымен, марапаттау рәсімі кезінде күміс жүлде иеленген Айиал Лазарев мойнындағы медалін шешіп тастады. Не нәрсеге наразы? Төрешілердің бұра тартуы байқалмады.

Дата и время публикации: 
23.04.21
Новости
Алдымен Ресей, Армения, Грузия, Тәжікстан, сосын басқа да мемлекеттер… Осы елдердің атлеттерін жолынан ығыстырып, бапкерлер сеніміне кірмесең ірі додаларға жол тартуың екіталай. Сонау 1965-85 жылдары әсіресе жаһандық қай жарыс болсын социалистік республикалар одағының айдарынан жел есіп, алдыңғы қатардан көрініп жүргенін ешкім жоққа шығара қоймас. Соның ішінде, қазақтың болмысына бітіп, оң жамбасына келетін күрес, бокс, самбо сынды білек күші сыналар спорт түрлерінде бәсеке алауы айрықша қызатын. Ал қайтпастық қанына сіңген сайын дала ұландары әлемдегі атағы жер жарған талай мықтыға тойтарыс бергендіктері спорт тарихына алтын әріптермен жазылған. Бірнеше спорт түрін қатар алып жүріп, таңдай қақтырар нәтиже көрсеткен Ұлан ауданының тумасы Жексен Икамбаевпен емен-жарқын әңгімелесудің сәті түсті.
22.07.2021
Жуырда ғана жерлесіміз Нұрәлі Советқанов Жапонияда өтетін Паралимпиада ойындарына жолдама иеленді.
22.07.2021
Маргарита Торлопова прокомментировала известный казус.
21.07.2021
Шығысқазақстандық палуан Венгрия астанасы Будапеште өтетін Әлем чемпионатында 45 келіге дейінгі салмақта ел намысын қорғайды
19.07.2021
В преддверие старта Олимпийских Игр в Токио интервью нашему порталу дал руководитель управления физической культуры и спорта ВКО Досжан Уалханов, который подытожил работу спорта ВКО в течение последних пяти лет, заглянул в будущее и поделился своими ожиданиями от выступлений наших атлетов на главном старте четырёхлетия.
17.07.2021
Өскеменде 12-14 шілде аралығында ҚР Ұлттық ұланының «Шығыс» өңірлік қолбасшылығының біріншілігіне әскери-спорттық кешеннің көпсайысы бойынша оқ ату және жеңілатлетикалық кросс бойынша жарыс өтті.
16.07.2021