Главная

Шыңғыс ширек финалда сәтсіздікке ұшырады

Аватар пользователя Esimkhanovv
Журналист
Адилхан Есимханов
Эстония жерінде өтіп жатқан еркін күрестен жастар арасындағы Әлем чемпионатында шығысқазақстандық Шыңғыс Мұхаметқалиев жартылай финалға жолдама ала алмады.

Көкпекті ауданының тумасы 74 келі салмақта іріктеу кездесулерін сәтті бастады. Алдымен украиналық Евгений Дубовыйдан 8:5 есебімен басым түсті. Бастапқыда Шыңғыс 5:0 есебімен есе жіберіп жатқан. Алайда қарсыласын етпетінен түсіріп, айналдыру әдісін жасау арқылы басымдығын едәуір арттырып алды. Сөйтіп алғашқы айналымда үш ұпай басымдығымен мерейі үстем болды. Келесі болып алжирлік Ишак Боухорға 7:2 есебімен еш мүмкіндік бермеді. Өкініштісі сол, ширек финалда моңғол спортшысы Бат-Ердене Бямбасуренге тізгінді беріп қойып, 10:0 есебімен мерзімінен бұрын жеңілістің кермек дәмін татты. Бямбасурен ақтық сынға аптықпай шықса жерлесіміз үшінші орын үшін белдесуге мүмкіндік алар еді. Дегенмен Бат-Ердене жапониялық Джинтаро Мотойямаға еш шара қолдана алмай, жартылай финалда жеңіліс тапты. Осының салдарынан Шыңғыс кіші финалда өнер көрсету мүмкіндігінен айырылды.

Естеріңізде болса, Әлем чемпионатының алғашқы күнінде семейлік Тілек Қабыкенов 79 келі дәрежесінде екінші айналымда сүрінген болатын.

 

Фото сайт мұрағатынан

Дата и время публикации: 
13.08.19
Новости
Спортсмен легкоатлетического клуба "Алтай Атлетикс" Михаил Литвин в последнее время вообще не приезжает с соревнований без медалей. Очередную награду принес сборной Казахстана этот атлет на престижном международном турнире –Мемориале Веслава Маняка (Польша).
16.08.2019
Өскеменде өз тарихында осымен 50-ші мәрте өткізілген «Қазақстан оқушысы – 2019» республикалық сайысы аяқталды. Бүгін барлық кезеңнің үздіктері белгілі болып, жекелей және командалық есепте жоғары нәтиже көрсеткендер анықталды.
15.08.2019
Данияр Қайсанов, Расул Қалиев, Олег Болтин… Осы аталған үш оғлан елордада өтетін күрес түрлерінен Әлем чемпионатында Ұлттық құрама сапында өнер көрсетеді. Айтулы аламанда бақ сынайтын спортшылар тізімі жуырда ғана белгілі болған-ды.
15.08.2019
Санаулы күндерден соң Күншығыс елінің астанасы Токиода өтетін дзюдодан ерлер мен әйелдер арасындағы Әлем чемпионатында шығысқазақстандық татами шеберіне артылар жүк ауыр болмақ.
14.08.2019
Жапонияның Токио қаласында өтетін дзюдодан Әлем чемпионатында әйелдер Ұлттық құрамасы сапында жерлестеріміз өнер көрсетпейді.
13.08.2019
Эстония жерінде өтіп жатқан еркін күрестен жастар арасындағы Әлем чемпионатында шығысқазақстандық Шыңғыс Мұхаметқалиев жартылай финалға жолдама ала алмады.
13.08.2019