Главная

«Толағай сұлтаны» сайысында аударыспақтың үздіктері белгілі болды

Аватар пользователя Esimkhanovv
Журналист
Адилхан Есимханов
Көкпекті ауданының Көкпекті ауылында өтіп жатқан «Толағай сұлтаны – 2019» халықаралық-шығармашылық сайысында аударыспақтан бабы мен бағы қатар шапқан жігіттер есімі анықталды.

Білектілік пен ептілікті қажет ететін ерекше спорт түрінде 23 палуан өз мүмкіндіктерін байқады. Көрерменнің көз алдында жеребе тартылып, реттілікпен белдесулер басталған-ды. Алғаш болып Нұрберген Төрехан мен Рүстем Сәрсенәлі кездесіп, біршама тартысты белдесу көрсетті. Екеуі бірін-бірін ала алмай, үш минуттан артық ат үстінде «айқасты». Ақыры соңында Нұрберген белсенділік танытып, жеңіске жетті. Бұдан соң белдесулер тағдыры түрліше өрбіді. Бірі -  ат үстінен ауып түссе, бірі – қарсыласының аяғын үзеңгіден шығарып жіберді. Бірі – айлаға басса, бірі – аңысын аңдып барып жеңді. Әсіресе, түркістандық Әкбар Елубайұлы мен қарағандылық Нұрхан Тілеухан нағыз апайтөс палуандар кездесуін паш етті. Екеуі де алып, салмақтары да қарайлас. Бірін-бірі әбден титықтатқан соң Нұрхан ұрымтал сәтті пайдалана біліп, ұпай санымен басым түсті. Жергілікті жанкүйер асыға күткен көкпектілік Ерлан Әзімбаев алғашқы айналымнан аса алмады. Алматы облысынан келген Мейрамбек Рахимбаевқа еш әдіс қолдана алмай, жеңісті уыстан шығарып алды. Десе де оның алдындағы жмбы ату және теңге ілуде сәтті өнер көрсеткен болатын. Ал өткен жылы аталмыш додада топ жарған Абай ауданының үкілеген үміті Айдос Үркімбаев болса 3-ші айналымда Глубокое ауданының намысын қорғаған Тілек Мұхамедқановқа 15 секундтан артық қауқар көрсете алмады. Үшінші орын үшін Күршім ауданы атынан шыққан Ерасыл Ахметов пен жоғарыда аталған Мейрамбек Рахымбаев белдесті. Ерекшілігі сол, негізгі уақытта есеп тең болғандықтан қосымша белдесуге ұласты. Бұл жерде Мейрамбектің мерейі үстем болды. Ал ақтық сында Қарағанды облысы Қарқаралы өңірінен ат шалдырып жеткен Тілеухан Нұрхан Глубокое ауданының сенімін арқалаған Тілек Мұхамедқановқа еш мүмкіндік бермей, аударыспақтан жеңімпаз атанды.

Фото автордікі

Дата и время публикации: 
24.08.19
Новости
Заманында Ауғанстан, Ираннан бастап Жапонияға дейін, Англия, Белгиядан Норвегияға шейін һәм АҚШ пен Мысыр елдеріне сапар шегіп, күрестен түрлі чемионаттарда жүлде алып, французша күрестен де олжа салған даңқты палуанның рухы Өскеменге келгендей болды. Неге екені белгісіз, Қажымұқан Мұңайтпасовтай біртуар балуанның есімі соңғы сәттерде аталмай, мүлде ұмыт қала бастағандай. Рухы дедік, бірнеше жыл бұрын облыс орталығындағы Жекпе-жек сарайына даңқты балуанның есімі берілді деген ақпар шыққан-тұғын. Дегенмен спортшылар мен бұқара жұрттың басым көпшілігі бұл жайттан бейхабар. Неліктен? Сайт тілшісі қала әкімдігіне сұраухат жіберіп, тақырыпқа тереңірек үңіліп көрген еді.
15.04.2021
Үржар ауданының тумасы жартылай финалда қырғыз палуанын ұтты.
14.04.2021
Қостанай қаласында өткен қазақ күресінен жастар арасындағы ел чемпионатында Тарбағатай ауданының тумасы Айдана Каменова үздік үштіктен көрінді.
13.04.2021
Сборная Казахстана по плаванию приняла участие в Открытом Чемпионате России по плаванию в Казани.
13.04.2021
Команда из Семея никак не может найти ту игру, которая позволяла ей стать главной сенсацией предыдущего тура.
13.04.2021
В городе на берегу Каспийского моря состоялся Кубок Казахстана по художественной гимнастике, главными действующими лицами стали спортсменки с берегов Иртыша.
13.04.2021